Se´ko:bi´ nyi:ya:kune´মিছিং কবিতা,mising me´tom.TAPAN payeng

Se´ko:bi´  nyi:ya:kune´

okume´le´  omma:ng anni:ko

du:pak ka:ng 

ko:no ti´:li´:la 

ami´:k abi´:r de´  mi´:ksi di´:la

ane´ aya:ng ma:la ...

o a: ko: ko: mukte´:nge´msin

po:kayo sa:dunga:i,

si:lo ka:pe´ le´:ngka:ne´ su:yane´ bi´

o:ko mi:gmo ki´

ka:pe´ lu:bisuya:ne´ bi´

o:ko na:ppang ki´

lu:lana:m la:mte´ ka:mang,

si:lo ika:ng bi´

ya:mne´ ta:nilo:k ame:pe´...

ta:ni´ lo:kke´ si:ne´y du:ngai ya:mne´ ko:

du:ng ya:me´ mi:mbi´r ko:sin,

ngasodde´ si:lo a:ngke´:nge´ pi´:taka:ng

bi:siney ka:bla du:ng 

ote´m a:o de´m me´:pala...

mi:lobokdok ki´:nam le´:gange´

ama:ne´m  ne´rla:  me´tu:ngai

a:ma gi´:ko ta:ni´lok...

si:lo bi´:lade´ la:to ku:mang

la:to bo:je´ko murko:nge´

du:ngko  da:kkoe´m si:n la:pakto,

e´:de´msin pi´:mala

omma:ng anni:ko ka:ne´de´m

so:la  la:to ya:mne´pe´........

se´:kobi´  nyi:ya:ku:ne´

omma:ng anni:de´m

se´:kobi lu:biya:ne´

bi:nye´k ba:bude´

mo:pi´:so  ka:mang e´:mna....

su:paksi:n ka:btila: du:ng

a:mi´k ri´:bi bi:nla...