মোৰ স্মৃতিত এতিয়াও ভতুৱা দলুং॥কবিতা॥mising kobita॥Tapan Payeng॥ফাগুন ,Assamese poem॥

মোৰ স্মৃতিত এতিয়াও  ভতুৱা দলুং

ফাগুনে আকৌ  কয়

তোমাৰ কথা ভতুৱা দলুং

নাজানো,কিয় ৰিঙিয়াই স্মৃতিৰে পৰাগ

তোমাৰ এই ঐনিতম

ডুমডুম শব্দৰে সেই গুমৰাগ ॥

নোৱাৰি থাকিব

ফাগুন আহিলেই ,

যেন ফাগুনৰ শিমলুৰ দৰে

যত উৰি যায় কপাহঁৰ দৰে

বুকৰংঙৰ পৰা  তোমাৰ ভতুৱালৈ ॥

জীয়া জুৰিৰ নৈৰ কাষৰে যেন

আহিছিলো তোমাৰ ভতুৱালৈ

আলহী হৈ,

ঐনিতম গুমৰাগেৰে এডালি মাবলাৰে 

স্বাগতম কৰিছিলা,

এতিয়াও মোৰ মনত  আছে ॥

মিছিকিয়াঁ হাঁহিৰে লাজকুৰীয়া চাৱনি

কাংকান কায়ুমহতৰ  ধুনীয়া  মুখনি

য়ামে সকলৰ গনৰুক শুবন 

হাতৰ চাপৰে ডুমডুমৰ ঢোলন

আজিও মাতে  তোমাৰ  ভতুৱালৈ ॥

 

শুকাহে নিকাহে তোমাৰেই সুৰ

সপোনে-দিঠকে তোমাৰেই শব্দ

 নিজানৰ কোনত বাজি উঠা তুমিয়ে 

এটি মিঠা নিতম,

আহিম এদিন আকৌ তোমাৰ কাষলৈ

ভতুৱা দলুং ॥

কাৰ্চাং তাঃকাঃৰ [[তপন পায়েং]]

বুকৰুং(দোঁৱাৰ গাঁও)